Chauffeur cu a bebe dimas, envolvi den accidente y kier a bandona e sitio

Noord – Diasabra marduga algo pasa di 5:30 polis a wordo notifica di un boksmento, esaki a sosode altura di Brug di Madushi.
Informacion adicional tawata bisa cu un di e chauffeurnan lo kier bay di e luga.

Na yegada di patruya nan a wak e autonan y cu tin bastante daño material. Tawata trata di dos auto marca Nissan, Sentra y e otro Almera.

Na e sitio e agentenan a wordo splica kiko a sosode exactamente.
E Nissan color cora, a bay subi e crusada pa bay su man robes y no a stop pa e Nissan color blauw, cu tawata bayendo abou.

Polis a laga test e chauffeur y a resulta cu e la bebe dimas, despues di a supla. Ela keda deteni y transporta pa warda.