Home » 10 dia despues di un atraco, ta haya e auto di e victima, bandona riba un tereno memey di auto bieu

10 dia despues di un atraco, ta haya e auto di e victima, bandona riba un tereno memey di auto bieu

by Admin
0 comment 91 views

Brasil:Diasabra atardi algo prome cu 4’or, polis ta haya un informacion cu lo tin un auto basta nobo, laga atras riba un tereno caminda tin varios otro auto bieu staciona.

Na yegada polis nan ta bin topa cu e Toyota Sienna Blanco, mesora nan a bin compronde cu e auto aki ta relaciona cu un caso di atraco di 10 dia pasa, den cual un turista a bira victima di atraco.

Esaki a sosode Diaranson 11 di october, pa mas o menos 11 ‘or di anochi, dilanti di Brickell Bay, e turista a bay pa subi su V-car, Toyota Sienna blanco, net na e momento ey dos homber cu un arma di candela a acerca e auto y a bise ” Get out of the car”.
Y nan a subi den e auto y a bay cune.

E mesun anochi aki Polis a haci un buskeda intensivo, pero no a logra localisa e auto. Atraco Team a tuma declaracion di e victima di atraco.

E auto aki despues di 10 dia ta wordo haya riba e tereno na Brasil entre algun cas, memey di varios auto bieu bandona, e plaachi number di e v car a wordo kita. Polis na e sitio a pidi pa presencia di departamente technico di polis y tambe atraco team. E auto a keda confisca pa mas investigacion y cu takelwagen ela wordo transporta pa warda di polis na San Nicolas.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio