72
Catiri/Rooi Afo: Diahuebs pa mas o menos 1’or di marduga, un patruya ta wordo manda na Moko, pa motibo cu lo tabata tin azeta basha riba e caminda.
Riba e caminda di Catiri pa Moko e polisnan atento ta nota un container di plastic y un caha riba caminda, un poco mas leu nan ta mira enberdad azeta riba e caminda. Esaki sigur ta forma peliger pa trafico.
Mesora Centraal di polis a avisa D.O.W pa benta poco tera riba e azeta, despues cu a sigui bay direccion di Moko, na Moko tambe enberdad tabata tin azeta basha riba e caminda. Bisiñanan a yuda polis basha santo riba e caminda.
Depsues di un rato ta drenta un informacion cu na Rooi Afo na altura di ” Nos Luga” tambe tabata tin azeta basha riba e caminda, personal di DOW a wordo avisa pa pasa tira santo riba tur caminda cu tabata tin azeta basha.
Aparentemente lo ta trata di azeta di cushina, segun testigo ta trata di un pickup Blanco cu dos homber den e bakie tabata tira azeta riba e caminda.