Home » Premier Eman ta enfatisa e importancia di Accion di Bario y kier motiva proximo gobernantenan pa mantene e contacto cu pueblo

Premier Eman ta enfatisa e importancia di Accion di Bario y kier motiva proximo gobernantenan pa mantene e contacto cu pueblo

by Admin
0 comment 60 views

Bishitando Madiki y otro bario

ORANJESTAD – Diamars atardi Prome Minister demisionario Mike Eman a realisa e prome di un serie di Accion di Bario. E bishita a recore algun caya di Madiki caminda e mandatario a bishita habitantenan. Premier Eman a sinti cu tabata na su luga pa no stop cu e actividad cu asina tanto beneficio a trece pa diferente bario rond di Aruba.

E ricibimento den e casnan di Madiki tabata semper caluroso y, den algun instante, basta emocional di parti di e ciudadanonan. Un señora den Caya Frere Norbertius no por a contene su emocionnan ora el a wak Prome Minister Eman canando bin den su direccion. Cu awa na su wowo y despues di a bras’e a bise: “Corda bon…Nos tu cu bo ta na morto. Nos lider bo ta.”

E situacion aki a ripiti varios biaha cu hende grandi y hoben, hende muhe y hende homber brindando e mandatario un bon bini sincero. Esaki ta danki na e hecho cu e ciudadanonan ta wak Eman como un politico cu sea ta den campaña, den Gobierno, of den oposicion; semper a keda cerca di su pueblo. E contacto aki a hiba na hopi logronan den Gabinete Mike Eman I y II.

Minister President Mike Eman ta spera cu e mandatarionan cu pronto lo asumi e responsabilidad di dirigi Aruba, lo sa di reconoce e importancia di e contacto directo cu pueblo riba un base frecuente y lo opta pa continua cu esaki. Un ehempel di e resultadonan positivo cu e bishitanan aki a genera, ta e facilidad deportivo den e bario.

Aki Eman a wak personalmente con muchanan tabata hungando bala riba e mini veld di yerba artificial cu a construi algun aña atras. Sigur un momento di gran satisfaccion pa wak con e comunidad ta haci bon uso di e oportunidad cu un bario miho organisa y mas placentero, ta ofrece.

Na e parti final di e bishita, Premier Eman a cuminda cabayeronan cu tabata hungando domino bou di afdak den bario. Aki el a haya palabra di motivacion pa e no bandona e trabou cu el a bin ta haci pa pueblo di Aruba. “No give up Mike… Abo ta e homber,” un di nan a expresa. Un peticion cu ta keda bin dilanti y cu ta conmove e Prome Minister saliente enormemente.

Accion di Bario ta bay continua riba diahuebs den un bario pariba di brug caminda Gabinete Mike Eman I y II tambe a sa di laga atras un diferencia positivo indudabel. Prome Minister demisionario lo cuminda y combersa cu e habitantenan pa trece animo cerca esnan cu ta sinti incertidumbre pa e futuro di nos isla.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio