Cuminda posiblemente conteniendo un substancia straño, a pone homber bira furioso y actua raro

Belgiëstraat – Diabierna marduga polis ta haya informacion cu un persona aparentemente lo a come cuminda cu un tipo di droga.
Tambe cu despues di a come e cuminda, e persona lo a bira agressivo.

Mes ora polisnan a cuminsa tira bista ariba un Honda Fit color cora, maneha pa e homber. Cu a sali for di un adres na Montaña.
Algun rato despues di e noticia, ta spot e auto aki ariba parkeer plaats di Wendy’s na Belgiëstraat.

Polis a bay e sitio y ta topa cu e cabayero cu tawata segun nos a compronde keto. Polisnan lo a dune un lift pa cas di su mayornan y mas despues un famia a bin busca e auto.
Kiko exactamente a wordo poni den e cuminda, ta keda e pregunta.