Home International Homber ta keda deteni pa motibo cu 40 aña pasa a deserta...

Homber ta keda deteni pa motibo cu 40 aña pasa a deserta for di Forsa Aereo Mericano

SHARE

Dakota/Florida, USA: Recientemente, un homber biba na Florida a keda aresta pa motibo cu ela deserta for di Forsa Aereo mericano 40 aña pasa y a wordo descubri ta biba na Florida, bou un otro nomber.

Riba 6 di jul na aña 1977, Jeffrey Michels no a raporta pa su obligacion diario na Minot Air Force base, cu tabata keda den un area basta aleha na North Dakota, cerca di e frontera cu Canada. E base militar na North Dakota ta conoci pa su inviernonan pisa y tambe pa e coleccion impresivo di armanan nuclear.

Enbes cu Michels a reporta, Michels a desaparece y pa 4 decada a keda como un persona cu ta missing, segun National Missing and Unidentified persons system.

Michels despues di a deserta e Forza Aereo Mericano, ela bay biba na Florida, ela cambia su nomber pa Jeffrey Lantz, despues a casa y a forma un famia. Jeffrey a habri un compania di construccion na Florida.

Jeffrey Michels a wordo deteni na Sanford, florida , pa e Seminole County Sheriff, e motibo di su detencion tabata ta desertacion di e forsa Aereo Mericano. Jeffrey Michels a wordo entrega na e oficina di  Forsa Aereo Mericano cu ta encarga cu investigacionnan, esaki ta segun un raport traha siman pasa di e aresto aki.

Con despues di 40 aña nan a logra pone man riba dje,  no ta conoci ainda, pero Michels tabata biba full e tempo ey bou di e nomber falso Jeffrey Lantz. Segun e vocero di e forsa Aereo Mericano, Michels tabata biba bou di un alias na Seminole County, pero mas detaye no e vocero no a duna of no lo por a wordo divulga ainda pendiente e investigacionnan andando.