Home Entertainment Ed Sheeran ta haye forsa na cancela su tour, despues di un...

Ed Sheeran ta haye forsa na cancela su tour, despues di un accidente cu bicicleta

SHARE

Ed Sheeran a cancela su proximo actuacionnan live di su tour Divide pa un futuro cercano despues di un accidente cu bicicleta, caminda cu ela fractura su pols y tambe su elleboog robes.

E cantante di The Shape of You a mustra su heridanan ariba Instagram diamars ultimo y a confirma cu e lo no realisa e gira den Asia despues cu auto a dale na London.

Ed mester a subi stage na Taepei, Osaka, Seoul, Tokyo, Hong Kong pero como cu ambos brasa ta herida lo bira imposibel sigui cu e show, un persona ta yude type e message nan anunciando cu e la pospone su shownan.

Hunto cu su crew, Ed su message tawata bisa: “Dokternan a confirma cu mi a sufri fracturanan na mi polis drechi y mi elleboog robes cu no ta permitimi realisa conciertonan live den un futuro cerca.

Tristo cu e por zona, esaki ta significa cu e siguiente shownan lo no por continua manera tawata planea, e cantante a agrega.

No tin un fecha ainda cu e lo ta bek ariba stage, admitiendo si cu e lo laga e proceso di cura sigui su curso: “Mi ta wardando pa wak con e proceso pa recupera ta bayendo prome cu nos pensa ariba shownan.

Ed ta bezig scuchando su fansnan despues di e incidente, y a informanan direct despues di e accidente bisando: “Mi a hayami den un accidente chikito cu bicicleta y mi ta wardando ariba algun advies medico, loke por bay afecta algun di mi proximo shownan. Keda pendiente pa haya mas news”.

Mientras e fansnan sin duda lo no a gusta cu a pospone e shownan, loke nos tur mester ta di acuerdo cune ta e recuperacion di e cantante cu ta mas importante awor aki.