Apenas algun minuut di a haya e tristo noticia cu su casa a fayece, un ciudadano Boliviano cu kier a wak un biaha mas e curpa di su casa a bin sorpresa un verpleeger abusando sexualmente di e cadaver, acto cu ela denuncia na autoridad.
E hecho a wordo confirma pa polis, cu a identifica e verpleeger yama Grover Macuchapi. Un homber di 27 aña, cu a wordo deteni pero a para ariba cu e no ta corda nada di e hecho ey.
Segun a wordo splica, famia di e difunto, di 28 aña, tawata ausente pa realisa algun pago y momento cu nan bin bek a bin topa cu e verpleeger teniendo sex cu e cadaver.
“E momento cu e curpa di e difunto tawata wordo hiba pa e mortuario di hospitaal, familiarnan a bay pa regla e entiero, ora cu casa a yega bek e ta haya e homber di 27 aña teniendo relacion cu e cadaver di su casa”, asina Douglas Uzquiano, hefe di recherche a declara na prensa. “E verpleeger tawata cometiendo un acto yama Necrophilia(tene relacion sexual cu un cadaver), cu ta castigabel”, ela agrega.
Segun e vuido,”ma yega y a haye ta move, ma dal e ora ma wak esey y su carson tambe tawata baha”.
Mientras tanto, autoridadnan a splica cu Macuchapi ta wordo acusa di a tene sex cu e cadaver y otra ofensa nan, specialistanan ta studiando e caso pa asina busca un manera pa dune un castigo mas halto.