Turista ta hoga na lama dilanti di Divi Resorts

Druif Beach: Diaranson den oranan di mainta, pa un of otro motibo un turista lo a haya problema den lama y ta hoga.

Mesora a sali pa yuda e turista cu un aparato AED, un security guard di casa del mar y un otro turista  a trata e victima na e sitio y na e momentonan ey ainda e tabata duna señal di bida. Ela wordo transporta cu ambulance cu urgencia pa hospital.

Na yegada na hospital e turista tabata mustra stabiel, pero despues di un rato ela fayece. E curpa a keda tuma den beslag, ta trata di un Mericano di 63 aña, na bida yama Robert S. Brandy.

Arubanative.com kier a extende su mas profundo palabra di condolencia na famia di e fayecido.