Home » “Shift Your Mindset, Save Your Business” tawata bon atendí

“Shift Your Mindset, Save Your Business” tawata bon atendí

by Admin
0 comment 65 views

ORANJESTAD – Dia 14 oktober 2017, Idea (Iniciativa pa Desaroyo pa Empresa Arubano) a organisa e workshop “Shift Your Mindset, Save Your Business”. E orador di e workshop tawata Sra. Michele Brooks, owner y managing director di PJ Consulting Group VBA. Sra. Brooks ta un ‘motivational speaker’ y cu hopi aña di experiencia como speaker den diferente conferencia grandi na Aruba y den exterior. Su compania ta duna diferente servicionan e.o.: Human Resources Management, Customer Service Training, Leadership & Management Development, Labor Relations, Organization Effectiveness, Executive Development, Action Research, Conflict Management, Group Facilitation, Managing Resistance to Change, Organizational Restructuring, Project Management y Team Building. Sra. Brooks su meta ta pa inspira cambio den persona y organizacion.

Den e workshop aki sra. Brooks a inspira e participantenan y a motivanan den diferente manera. E la pone hopi enfasis riba e “10 things that require zero talent” y tambe riba e “7 Role-Model Traits”.

Un workshop sigur hopi interactivo y un tremendo presentacion di parti Sra. Michele Brooks.

Un total di 33 persona a participa den e workshop menciona. Idea ta sumamente contento cu e acogida di e workshop y e bon comentarionan ricibi di su participantenan. Tambe Idea kier remarka cu nan workshopnan ta gratis y ta dedica na un y tur cu kier cuminsa un negoshi of tin un negoshi existente y kier educa nan mes riba diferente topico comercial.

Un danki na tur e participantenan y un danki special na e presentador voluntario cu a comparti su experticio durante su ora liber cu tur esnan presente. Idea ta gradici ‘Gianni’s Group N.V.’ inmensamente cu nan a sponsor Idea cu un giftcertificate pa e presentador y tambe un gradicimento pa tur e coleganan di DEZHI cu a yuda na un of otro manera.  Keda pendiente pa mas workshop den luna di november venidero cu lo wordo organisa door di Idea. Bo kier keda up-to-date cu Idea?  Like nos Facebook page: Idea-Aruba.

 Abo tin un Idea? Haci bo Idea realidad. Bishita Idea na Departamento di Asuntonan Economico, Comercio y Industria, na Sun Plaza di dos piso, y nan lo yudabo cu tur informacion y guia necesario.

 

 

 

 

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio