Home Intimacy Sex na trabou, e lo por trece conflicto despues ?

Sex na trabou, e lo por trece conflicto despues ?

SHARE

Un tema cu semper ta trece hopi polemica ta ora un persona tin un relacion amoroso na su trabou, y ta hopi relacion a cuminsa na trabou y alggun cu tempo a bira mas solido, tambe tin otronan ta sporadicamente of simplemente un biaha, e ora ey, si bo “fall in love” na bo trabou e ta beneficiabo of e ta perhudica e ambiente di e organisacion ?

Tin algun empresa cu ta pone bon cla den nan reglamento “ta prohibi pa tin relacionnan amoroso” cu te hasta por yega na move un empleado di un departamento of mas leu ainda pa kita e persona di trabou, aunke hopi negoshi no ta worry mucho cu e parti aki, tambe ta obvio cu e dunado di trabou no por sinta controla ken tin “algo” cu otro, y hopi biaha e motibo ta cu nan ta pasa oranan largo hunto cu coleganan y di e manera ey ta cuminsa e “romancenan laboral”.

Un cos si, e lo ta semper un desicion personal y sin duda alguno ta rekeri madures di esnan involucra paso e lo por influencia na un manera negativo e ambiente di trabou, di ki forma? Ora cu e rol di trabou di e pareja eynan mix, e grens personal y loke ta di trabou ta desaparece y si nan no tin e habilidad di maneha e situación, lo bay tin conflictonan ariba ambos nivel. Di otro banda, e jaloersheid, e desacuerdonan y incluso e parti di ta infiel di e pareha, lo contamina e ambiente y esey ta e momento cu nan intimidad lo sali na cla.

Si nos a  dicidi di combina amor y trabou, nos lo mester por conta ariba un persona den e empresa cu kier nos bon y ta apoya nos positvamente, ta necesario maneha e situacion cu cuidou, seriedad, respeta e limitenan, conserva e espacionan priva y discuti conflictonan pafo di e empresa, si no por cumpli cu e reglanan ey e lo bira un desaster pa e ambiente di e compania.