Home Politics Partido POR: Prome acuerdo di formacion di gobierno firma entre partidonan POR,...

Partido POR: Prome acuerdo di formacion di gobierno firma entre partidonan POR, MEP y RED

SHARE

Ayeratardi durante di un conferencia di prensa, lidernan di partidonan POR, MEP y RED reuni pa asina firma e prome acuerdo di formacion di gobierno. Sr. Otmar Otmar hunto cu sra. Evelyn Wever – Croes y sr. Ricardo Croes, a firma e acuerdo “Hunto pa Aruba” cu ta basa riba e tres pilarnan: Bon gobernacion y integridad; Finansas publico balansa y duradero y e ser humano central. Seguridad, proteccion, bienestar economico, desaroyo sostenibel, enseñansa di calidad, vivienda pa un y tur, entre otro ta e puntonan cu ta resorta bou e di tres punto cu ta ser humano central.

“Mi no ta kere cu tin un miho forma pa cuminsa crea un hogar ‘Aruba’ nobo riba un fundeshi solido manera e fundeshi cu awe nos ta pone den e acuerdo aki cu nos a firma. Cu un fundeshi solido bo ta construi un hogar firme. Cada un partido cu durante ultimo dianan a sinta na mesa cu otro, ta dirigi na traha pa adelanto di ser humano y tur e programa por wordo relata directo na e bienestar di nos comunidad,” sr. Oduber a splica.

Pa conclui, Mi ta felicita mi dos coleganan pa e trabounan y logronan di awe. Tambe cada persona cu a sostene e tres partidonan aki por medio di e confiansa cu a wordo brinda pa hunto nos hiba Aruba den un direccion nobo.