Home Police Durante control un motociclista ta huy for di polis, lagando su brommer...

Durante control un motociclista ta huy for di polis, lagando su brommer atras

SHARE

Vondellaan: Diamars den oranan di mainta un unidad motorisa di polis ta nota un brommer sospechoso y ta para esaki pa un control.

Na momento cu e polis a informa e motociclista cu e papelnan di e brommer no ta na ordo y cu elo bay confisca e brommer, e motociclista a a trata na huy cu e brommer for di e sitio, pero e polis a wante pero ela cay abou cu su brommer.

Manera cu ela lanta e agente a wante na su flanel pero asina mes ela logra huy for di e sitio, pero lagando su brommer atras.

Ela core bay direccion di e Rooi patras di Elmar, eynan e polis a perde, mesora a bin mas polis acerca y nan a buska den e rooi, pero no a localisa e motociclista.

E brommer a keda confisca pa polis y si e doño kier su brommer bek, elo mester drecha e papelnan di e brommer y pasa personalmente cu nan na warda di polis pa e por haya su brommer bek.