Home International Dos preso ta fugitivo, despues di asesina tres recherche di CICPC

Dos preso ta fugitivo, despues di asesina tres recherche di CICPC

SHARE

Anzoátegui, Venezuela: Tres recherche di e Cuerpo di Investigacion Científico, Penal y Criminalística (Cicpc) a wordo asesina diasabra mainta pa dos preso, esaki a pasa na e cuidad di Barcelona na e estado Anzoátegui.

E tres recherchenan a keda identifica como; Saúl Eduardo López Rodríguez di 25 aña, Génesis Oriana Guelle Brito di 21 aña y José Antonio Marín Jiménez di 45 aña.

Segun e version di polis, cu e recherchenan tabata transportando e dos detenidonan aki y autoridad ta pensa cu un di e detenidonan, lo a logra kita e arma for di un di e recherchenan y cu e arma aki lo a tiranan mata.

E dos delicuentenan a keda identifica como; Nelson Enrique Ramírez Araguayan y Denny Rondón Guevara. Den saco di carson di un di e recherchenan a bin haya e cedulanan di e dos asesinonan, un di e cedulanan tabata mancha na sanger.

Despues cu e dos presonan a mata e tres recherchenan, nan a huy for di e sitio. Autoridad venezolanto ta enbuska di e dos fugitivonan aki, cu ta e sospechosonan di e triple asesinato aki.

Foto cortesia di 800noticias