Home International Compania di kotex ta reemplasa likido blauw pa uno cora den nan...

Compania di kotex ta reemplasa likido blauw pa uno cora den nan propaganda

SHARE

E marca, Bodyform, e a bira e prome pa mustra ‘sanger’ (un likido cora) den nan propaganda. E compania encargo di e marca aki, Essity, a splica cu nan kier kibra taboo cu ta rondona menstruacion.

Segun un estudio haci pa e compania cu ta basa na Reino Uni, 74% di persona tawata kier representacion mas realistico den propaganda. Tradicionalmente, companianan a scohe semper pa usa un likido blauw.

Pero e compania Essity cu ta maneha e marca Bodyform, a dicidi cu nan kier bay contra e estigma cu tin pa menstruacion. Segun un declaracion di Tanja Grubna, mescos otro taboo, mas frequente hende mira esaki, mas normal e topico ta bira.