Home » Vince Irie hunto cu team IRC ta gana prome premio den Drone Champions League na Romania

Vince Irie hunto cu team IRC ta gana prome premio den Drone Champions League na Romania

by Admin
0 comment 65 views

Un evento espectacular y yamativo

ORANJESTAD- Aparte di ta un tremendo musico cu a demostra su talentonan diverso riba tereno musical, e Arubiano Vince Irie ta tambe un drone racer di caliber mundial. Desde cu el a cuminsa practica e deporte di droneracing, el a capta atencion di e grandinan di e mundo aki y e compania internacional di drone ‘Immersion’ a tum’e bou su halanan.  Vince ta bulando rond mundo practicando e deporte aki, no solamente pa competi, pero tambe pa propaganda e deporte futuristico aki. Asina na luna di september el a biaha na varios parti pais y localidadnan sensacional pa hunto cu otronan duna realce na droneracing cu mas y mas ta ganando su lugar riba e mercado innovativo. Droneracing ta inmensamente popular y cu ayudo y sosten di Vince un grupo di hoben a lanta FPV Aruba cy ta sigui di cerca e hazañanan di Vince. Fin di e luna aki Vince ta riba pantaya di television internacional pa medio di canalnan deportivo manera Eurosport, Fox Sport y e canal di youtube Twitch.

E race na Romania a tuma lugar na Sardina Turna cu antes tabata un mina di salo y ta 150 meter bou tera. E evento a tuma lugar durante dos dia. E prome dia Vince y su team IRC a gana e di dos lugar. Su dia siguiente cu un track mas dificil nan a sa di bay cu e titulo maximo. Vince a percura pa dilanti su nomber tin un bandera di Aruba na momento cu e tabata bulando. Durante e tabata bula (varios biaha, prome pa clasifica, despues pa yega semifinal y final) e locutor tabata menciona cu e ta bin di Aruba. Na final e television di Romania a haci un entrevista chikito cu ne tambe. Para riba e podium como team ganado, baña cu champagne Vince y su famia na Aruba a sinti nan mes super orguyoso. Na Aruba por a sigui via livestream henter e evento.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio