Home » Update: Relato di vocero di polis, referente e dos curpanan sin bida haya na Colony

Update: Relato di vocero di polis, referente e dos curpanan sin bida haya na Colony

by Admin
0 comment 63 views

Diamars pa 10:35 di mainta central di polis ta haya un jamada cu lo a wak un curpa sin bida na baby beach na altura di ex Nanki. Na yegada di patrouille ta topa cu e persona cu a jama y ta conta cu dos turista lo a aserce  y bise cu nan a wak un curpa ta drief.

Polis ta cuminsa  cu un buskeda hunto cu personal di Kustwacht . Despues di un rato personal di kustwacht a drenta awa pa wak si por topa cu e curpa. Pa 13:00 ta bin haya un curpa sin bida patras di ex Nanki. Pa 13:10 ta haya un melding via Kustwacht cu nan helicopter a bin wak un otro curpa ta drief banda di e rif na Rodgers Beach. Na e momento eynan tabata  tin personal di marine ta train  y na unda nan juda saka e curpa pone riba rif. Kustwacht a jega na e rif y a pone e curpa sin bida  den nan boto y trese na e pier di ex Nanki.

Pa 14:45 Dr Texiere ta constata morto di e prome curpa sin bida  di un hende homber inicial A.R.C. nacionalodad Venezolano y pa 14:50 dr ta constata morto di e di dos curpa haya sin bida . Ta trata di un hende homber tambe pero no a haya identificacion riba dje.

E curpanan a wordo tuma den beslag . E caso aki ta bou investigacion . Personal di BFTO, recherche  y slachtofferhulp a presenta na e sitio di e sucedido.

Un danki na personal di brandweer y kustwacht cu a juda te na final. Cuerpo Policial ta manda palabra di condolencia na famianan di e fayecidonan .

Pendiente pa mas informacion di un cantidad di ilegal cu lo a wordo localisa na Colony durante dia awe.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio