Home » Awor ta posibel bishita un cas di Lego di tamaño real

Awor ta posibel bishita un cas di Lego di tamaño real

by Admin
0 comment 50 views

Na Billind, Denmark, ta posibel awor pa bishita un cas di LEGO, un espacio crea door di e empresa di coy hunga cu ta simula un cas arma cu lego, pero den tamaño real.

Cu un structura traha di 25.000 bloki ariba un area di 12.000 meter cuadra, e obra ta un luga unda aficionadonan di Lego di tur edad por averigua mucha mas kiko e blokinan aki por crea.

E construccion a dura cuatro aña, pa por a keda cla y habri pa publico.

E compania ta dividi e experiencia den diferente area. E curason di e Lego House ta e area di e experiencia. Eynan e bishitantenan lo haya dos otro area di exposicion y cuatro area di wega unda por explora e creatividad den diferente manera, Forbes.com a laga sa.

Zonanan ta basa ariba acuatro diferente color, cada un di nan ta simbolisa un aspecto special di e wega y siñamento.
E color cora ta pa crea habilidadnan creativo, e blauw ta pa abilidadnan cognitivo, e berde ta pa habilidadnan social y e color geel ta pa habilidadnan emocional.

E galeria Masterpiece, e sala unda ta expone e piezanan mas grandi y creativo, e ta un muestra di loke e imaginacion ta duna di di e blokinan chikito.

Un di e icononan di e museum su nomber ta un mata grandi yama creativad.
Cu ta mas di 15 meter di altura, su construccion a tuma 24.000 hora y 6 miyon bloki.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio