Home » McDonald’s ta presenta su Great Day 2017 Cumprando un BigMac bo ta sostene Centro Man Na Obra

McDonald’s ta presenta su Great Day 2017 Cumprando un BigMac bo ta sostene Centro Man Na Obra

by Admin
0 comment 63 views

Cada benta di BigMac ta bay na donacion

ORANJESTAD, Aruba: Diabierna dia 20 di October, McDonald’s lo tin nan Great Day 2017 cu meta pa recauda fondo pa Centro Man Na Obra. E benta di BigMac di e dia aki lo bay como donacion p’e Centro pa asina yuda promove entrenamento di trabou y integracion den e comunidad di e personanan desde 16 aña. E dia aki lo haya e BigMac pa 12.50 florin of pa 7.50 florin.

E fondonan genera e dia aki di e benta di BigMac lo ta un donacion na e Centro Man Na Obra. E participantenan di e Centro lo ricibi entrenamento di trabou pa nan prepara pa traha den e mercado laboral; unda nan por haci trabounan facil den un ambiente protegi. E participantenan lo traha den gruponan di carpinteria, obhetonan di klei, obhetonan decora cu klei, traha bela, laba auto, laba boter, traha den hardin y strica paña. Apart di e entrenamento tecnico, nan lo ta dedicando na desaroya nan habilidad social. Tambe e meta ta pa den futuro tin e hendenan di Centro Man Na Obra traha den McDonald’s pa asina pueblo por mira con McDonald’s ta contribui den e parti social.

Operations Supervisor di McDonald’s Aruba, Sulina Vrolijk a indica cu “Great Day ta e campaña pa recauda fondo mas grandi di McDonald’s y asina aki nan por duna bek na comunidad di Aruba. Tur aña tin entusiasmo pa e campaña aki, pasobra nos ta orguyoso di e Great Day y no solamente pasobra nos clientenan ta compromete nan mes pa sostene un necesidad grandi pero tambe nos compania den su totalidad ta yuda conscientisa y ta desplega solidaridad”.

Diabierna awo, 20 di October, comunidad di Aruba por demostra su apoyo cu Centro Man Na Obra na momento di bishita e 3 restaurantnan di McDonald’s ora di haci pedido di un BigMac. McDonald’s tambe lo ta ofreciendo su programa pa negoshinan, unda cu companianan por cumpra “coupon” di BigMac den prebenta. E couponnan ta disponibel na McDonald’s y na Centro Man Na Obra.

Great Day ta un evento global cu ta genera anualmente miyones den e restaurantnan di McDonald’s rond mundo door di obranan di caridad local. Pa contribui cu e programa corporativo di Great Day, por tuma contacto cu Centro Man Na Obra na telefon 522-7859 of manda un e-mail na [email protected]. E entretenimento di e dia lo bay tin DJ na tur 3 localidad di 6:00-8:00 PM.

Tocante Arcos Dorados                                                      Arcos Dorados ta e frankicia mas grandi di McDonald’s rond mundo den terminonan di benta den tur e sistema y den cantidad di restaurantnan. E compania ta e cadena di restaurantnan di fast food (“QSR”) mas grandi na Latino America y Caribe. Tin e derecho exclusivo di posee, opera y otorga frankicianan di restaurantnan McDonald’s den 20 pais y teritorionan di Latino America y Caribe, incluyendo Argentina, Aruba, Brasil, Chile, Colombia, Costa Rica, Corsou, Ecuador, Guyana Frances, Guadaloupe, Martinique, Mexico, Panama, Peru, Puerto Rico, St. Croix, St. Thomas, Trinidad y Tobago, Uruguay y Venezuela. E compania ta opera mas di 2100 restaurant McDonald’s cu mas di 90.000 empleado y ta conoci como un di e miho empresanan pa traha den Latino America y Caribe. Arcos Dorados ta cotisa den e Bolsa di Balor di New York (NYSE: ARCO). Pa mas informacion riba e compania, por fabor bishita e seccion di inversionistanan di nos website: www.arcosdorados.com/ir.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio