Home » Homber cu tabata disfrasa na payaso pa fiesta di mucha, ta viola y mata un mucha di 14 aña

Homber cu tabata disfrasa na payaso pa fiesta di mucha, ta viola y mata un mucha di 14 aña

by Admin
0 comment 84 views

Caracas, Venezuela: Curpa di un hobencita di apenas 14 aña a wordo localisa den un container di sushi, den e sector El Cardón Carapita, parroquia Antímano zuid oost di Caracas. E víctima a keda identifica como Danyerlin Josefina Heredia Salave.

E curpa di e hobencita a wordo haya sunu y cu varios hinka na pecho, e tabata tin su sapatonan bisti y su pañanan tabata dobla hinca den e saco hunto cu e curpa.

Den e bario e bisiñanan tabata sospecha riba un persona cu ta biba den e bario cu yama Rigoberto Enrique León, di 36 aña, kende ta traha como payaso cu ta entretene muchanan durante fiesta di mucha. E bisiñanan tabata comenta cu Leon, tin basta tempo tabata molestia e hobencita aki y nan tabata bisiña.

Diabierna mainta, e hobencita Danyerlin su so a cana bay na cas di su wela y segun testigonan, Leon lo a gare na su man, a hinke den su cas y a cera e porta na lock.

Un mucha di 6 aña cu ta biba eybanda a bati na porta di Leon pa pidie poco salo y e mucha aki a mira man di Leon tur na sanger. E mucha a spanta y manera ela yega su cas, ela bisa su mama, pero su mama no a worry cu loke e mucha a bis’e.

Despues cu oranan ta pasando y e hobencita no a regresa cas, tur hende den e bario a cuminsa precupa, nan a cuminsa busk’e tur caminda pero no por a localise. E mucha di 6 aña a conta nan loke ela mira y mesora nan a bay pa Leon, pero ya ela huy for di e bario. Te Diadomingo mainta curpa sin bida di Danyerlin a wordo haya den un container di sushi.

 

 

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio