Home International Candelanan di mondi na Portugal y Spaña ta mata por lo menos...

Candelanan di mondi na Portugal y Spaña ta mata por lo menos 39 persona

SHARE

Por lo menos 39 persona a perde nan bida den e candelanan di mondi na Portugal y Spaña, asina officialnan di ambos pais a laga sa dialuna.

Na Portugal, 36 persona ta confirma cu a perde nan bida, mas di 4000 bombero tawata combatiendo e 150 candelanan rond, asina autoridad nacional pa proteccion civil na Portugal a bisa dialuna.

Por lo menos 63 persona a resulta herida na Portugal, cual 16 di nan ta critico, segun vocero Portuges Patricia Gaspar. Entre esnan seriamente herida tin un bombero cu tawata combatiendo e candela. Varios persona ta desapareci.

Prome Minister di Portugal Antonio Costa a declara dialuna di emergencia, describiendo e candelanan como “devastador”. Tambe ela anuncia cu lo haci tur loke ta posibel pa combati e candela. Esaki tawata un “aña dramatico”, ela bisa, y a priminti accionnan pa preveni tipo di candelanan grandi asina den futuro.

E candelanan tawata kima den e parti nort di Portugal durante henter e weekend prome cu nan a expande pa e parti nort oost di Galicia. Varios caretera y skolnan a wordo cera, y a usa tambe varios skol como shelters pa evacuadonan.

Mas di 600 miembro di e Forsanan Arma Spaño a wordo desplega pa yuda combati e vlamnan, incluyendo miembro di e 43 Grupo di Forsa Areo, cu a graba un pida video pa tin bista di e candelanan.