Home » Tarine Saladin representando The Old Fisherman a resulta como e ganado

Tarine Saladin representando The Old Fisherman a resulta como e ganado

by Admin
0 comment 61 views

Durante e di dos Aruba Bank Student Chef Challenge

ORANJESTAD, Aruba: Diahuebs anochi a tuma luga e competencia di e dos Aruba Bank Student Chef Challenge, unda cu 5 studiante a competi cu otro y a gana experiencianan gastronomico pa ta chef den un cushina. Hopi di esunnan cu a presencia e competencia a keda asombra kico tur e participantenan por haci durante e anochi, esta “A night to remember” na The Ritz Carlton.

E participantenan tabata Karl Michael de Cuba, Michelaine Abreu, Jovianka Ridderstaat, Dwight Kelly y Tarine Saladin. Cada participante a haya e oportunidad di traha cu chefnan conoci na Aruba di e restaurantnan The Old Fisherman, The Kitchen, Tierra del Sol, The Mill y Gari Wasabi, kendenan a guia e participantenan. Diferente plato nan a train pa por a prepara nan mes p’e reto aki. Durante nan sesionnan di training, nan a haya diferente tip pa prepara platonan unico, exotico y delicioso.

Durante e anochi di competencia tur hende a keda asombra con lihe cada participante tabata traha, pero tambe con creativo nan tabata. Cada uno a bin cu platonan delicioso y diferente pa asina e huradonan por a purba. Esaki a pone cu e no tabata facil pa nan por a scoge e miho plato di anochi. Por a mira na nan cara cua plato nan a gusta mas cu otro y a duna cada participante un conseho pa sigui mehora nan mes.

Tambe nan a gradici e chefnan cu a yuda nan, kendenan a siña nan diferente tecnica y decoracion. Cada participante a demostra algo diferente e anochi y esaki a pone cu no tabata facil pa scoge esun miho, ya cu tur tabata enfoca pa ta e miho.

Aruba Bank ta manda palabranan di felicitacion na cada un participante pa tur loke nan ta haci y pa nan sigui lucha pa nan meta. Tambe ta gradici e chefnan pa tuma un tempo pa guia cada participante, e huradonan cu tabatin e tarea dificil pa scoge e miho plato y sin laga afo e publico cu tabata presente.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio