111
Savaneta – Diadomingo pa mas o menos 12’or y mey di marduga, presencia di polis ta wordo pidi na Savaneta. Informacion a drenta cu un auto a kibra un cura di cas.
Na yegada nan ta bin topa riba e caminda dilanti di S-Chow bay zuid, un auto para riba caminda y un poco mas pazuid un auto hinca den un cura di cas.
E chauffeur di e Honda tabata bayendo zuid y na momento cu ela bay pa bira na su man robes, un Hyundai a bay pase y esaki a pone cu e chauffeur di e Hyundai a perde control, bay dal contra un mata canto di caminda y a bay dal un poco mas pazuid contra un cura di cas, e auto a bay pega den e cura di cas.
E chauffeur di e Honda a keda para te ora polis a yega, e daño material tabata considerabel pero afortunadamente no tabata tin niun persona herida.