Oranjestad – Diabierna anochi laat un maestro ta haya un sorpresa amargo, momento cu ela bay subi su vehiculo.
E maestro aki diabierna a bay disfruta di e actividad caminda un radio stacion a cuminsa su temporada di pasco na linear park.
Mas laat ela bay subi su auto, tur cos tawata mustra ok. Pero dado momento lo a nota cu su yabinan importante y su laptop di skol no tey mas.
E momento eynan e maestro a bin realisa cu un of mas persona lo a horta den su auto.
Mes ora a bay warda di polis y a entrega un keho di kiko a pase.
E auto aki tawata staciona altura di e edificio di A.T.A .
Segun ela splica, ta mustra cu lo por tin un artfecto no ta sigur kiko, cu lo por habri e autonan y sin kizas cu e alarma bay on.
Un caso hopi fastioso.
Pesey ela comparti e incidente lamentabel aki cu nos y pa tur hende sea alerto.
Pues awor kizas ni alarma lo por stop e criminalnan, cu tambe ta keda inova pa burla e sistemanan di seguridad.
E Laptop aki a wordo horta for di e auto, si bo tin cualkier informacion por contact warda di polis na Playa.
