Home Police Cinco persona deteni na Paradera, despues di a bringa ariba caya (...

Cinco persona deteni na Paradera, despues di a bringa ariba caya ( Video)

SHARE

Paradera – Diabierna anochi pa mas o menos 10’or pasa, polis ta bay ariba e caminda di Paradera cu ta bay pa Roncado. Varios yamada tawata drentando di un pelea formal ariba caya y un rato hasta ariba tereno di un cas nan a subi.

Na yegada di prome patruya nan ta topa cu dos grupo, cu tawata keda tira palabranan di menasa pa otro.
Polis dado momento tawata tin e situacion bou control, pero dado momento un di esnan envolvi lo a ranca pasa banda di polis pa bay agredi un otro persona cu polis tawata tin wanta.

Mes ora a pidi pa mas polis na e sitio y esaki a yega den algun minuut, un grupo basta grandi a yega y asina calma e situacion.
Mirando cu e gruponan tawata menasa otro a dicidi di detene tur esnan envolvi y hiba nan warda di Santa Cruz.

Un total di cinco persona, cuatro homber y un muhe.
Polis den un di e autonan a haya un tubo y a tuma esaki den beslag.

Tambe a confisca e Toyota Altezza blanco, pa mas investigacion.