Brussel: Despues di 27 intento di asesinato, un mama procedente di Molenbeek, Belgica, ta asesina dos di su cuater yiunan. E mama Mahacine B. di 36 aña ta sufri di un problema mental hopi serio, cu yama münchhausen by proxy.
Münchausen syndrome by proxy(MSBP) Münchausen syndrome by proxy(MSBP) ta un problema mental di salud, cu ta pone un persona concientemente, inventa of ta causa un of otro malesa, of ta herida un persona cu ta bou di su cuido. Por ehempel su yiunan chikito, un anciano of un persona handicap. Personanan vunerabel ta bira victima di MSBP cu ta wordo considera un forma di abuso di mucha of abuso di anciano.
E prome asesinato E intento di asesinato a cuminsa dia 10 di maart 2009, Mahacine B. a hiba su baby di 10 luna, polie pa motibo cu e mucha tabata tin problema cu halamento di rosea. Dokternan na hospital, na e momento ey no por a haci mucho mas pa e criatura y su siguiente dia e baby a fayece.
E di dos Asesinato Nuebe luna despues cu e baby a fayece, Mahacine B. ta bolbe bay hospital cu su yiu di 2 aña cu tambe ta yega hospital cu problema cu halamento di rosea, e criatura aki tambe ta fayece na hospital.
Un Dokter ta bati alarma Na 2012, un pediatra atento na e hospital a cuminsa sospecha cu algo no ta bon, despues cu un otro baby di 4 luna bieu di Mahacine B. ta keda pa di cuater biaha interna den cuido intensivo, e Pediatra mesora ta bati alarma y polis ta cuminsa di biaha cu un investigacion. Investigacion di 5 aña Despues di 5 aña di investigacion, a sali na cla cu e mama a intenta 27 biaha di mata su yiunan y e mama mes a bin parcialmente admiti loke e dokternan tabata sospecha. Ela declara cu ela purba stik su yiunan cu un deken. Pa e motibo aki su yiu muher mayor despues di varios paro cardiaco mester a haya pacemaker, e paro cardiaconan no tabata algo normal, pero tabata tin di e haber cu loke a mama tabata haci cu su yiunan. E dos yiunan cu a sobrevivi a wordo kita for di e mama.
E mama ta keda deteni Mahacin B. ta bisa cu e no ta corda nada di e momento cu ela asesina su yiunan. Asina mes e mama enfermo aki a keda deteni, pa motibo segun e investigacion concientemente y intencionalmente a mata dos di su yiunan di su cuater yiunan.
Mahacine B. den Corte Siman pasa Mahacine B. a presenta dilanti hues, cu awa na wowo ela para dilanti hues. E ta core riesgo di haya un castigo penal di 30 aña. Aki ta trata di factornan hopi cruel y e siman aki lo haya sa cuanto aña ministerio publico lo ta bay exigi, pero pa casonan asina na Belgica un castigo di 30 aña caso sigur lo por ta e sentencia.