De La Sallestraat, Oranjestad: Diaranson anochi un patruya di polis tabata pasando den De La Sallestraat y a nota un Hyundai Van, color Blanco, coriendo un poco sospechoso, mesora nan a bay pa control’e.
Na momento cu e agentenan policial a acerca e Van nan a bin topa cu cuater persona di habla spaño, ora a pidi pa nan documentonan, nan no por a mustra cu nan ta legalmente na Aruba. Mesora polis a detenenan y a yama Guarda Nos Costa pa buskanan. Cuater persona a keda deteni, dos muher y dos homber.
Un di e damanan tabata bisa polis cu e ta bibando na Aruba, ta casa cu un Arubiano y su yiunan ta naci na Aruba, pero pa motibo cu e no por a prueba esaki e momento ey. Ela keda transporte pa oficina di Guarda Nos Costa y si acaso resulta cu e ta papia berdad, elo recobra su libertad al instante.