Oranjestad: Un rato pasa Kabinet di Gobernador di Aruba a informa por medio di un relato di prensa, cu lider di MEP, Evelyn Wever Croes a keda nombra como formador .
Gobernador di Aruba, su Excellencia sr. J.A. Boekhoudt, diahuebs 12 oktober a nombra Sra. mr. E.C. Wever – Croes como formador.
Riba 6 di Oktober, e informateur mr. A.J. Swaen a entrega un relato na Gobernador di Aruba.
A base di e relato cu e informador a entrega na Gobernador, y tambe a base di e combersacionnan a hiba dia 9 di october, cu e lidernan di e partidonan MEP, POR y Red individualmente, Gobernador a tuma e desicion di nomber Señora mr Evelyn Wever- Croes como formador.
Gobernador a pidi e formador pa forma un Gabinete consisti di un coalicion cu e partidonan MEP-POR-RED, cu por conta cu un mayoria den Staten di Aruba, cu e bienestar di Aruba ta na prome lugar.
E formador mester haci su tarea independiente , tenendo cuenta cu e tarea di formacion cu Gobernador a dune y tambe a keda palabra cu e lo mester duna cuenta na Gobernador, di e con e trabounan ta bayendo.