Home » Empleadonan di Post Aruba N.V. a celebra dia di Post

Empleadonan di Post Aruba N.V. a celebra dia di Post

by Admin
0 comment 53 views

Competiendo cu otro den speurtocht

ORANJESTAD, Aruba: Dialuna Post Aruba N.V. a celebra dia Mundial di Post cu un speurtocht den centro di Oranjestad, caminda tur participante a disfruta di esaki.

Durante un workshop tocante Sales & Marketing cu a tuma luga aña pasa na Union Postal di America, Spaña y Portugal na Uruguay, Sra. Joraine Lopez Maduro, Sales Executive di Post Aruba N.V. a ricibi e opdracht pa organisa un actividad deportivo p’e empleadonan.

Den april a forma un comision pa realisa e actividad deportivo y segun un encuesta cu nan a haci na tur empleado a yega na e decision pa haci un speurtocht riba e dia aki.

Pa cuminsa a forma 8 team. Pa forma esakinan, cada empleado mester a saca un pechi for di un saco. E color di pechi tabata defini den cual team e empleado ta. A dicidi di haci asina aki pa e empleadonan di diferente departamento por a traha cu otro. Nan a sali di Post Aruba N.V. na Oranjestad y esaki a dura nan 2 ora y 45 minuut.

Cada team mester a participa den 4 stop, caminda tabata tin 2 opdracht cu nan mester a haci. Tur hende mester a participa na e opdrachtnan pasobra nan mester a traha den team. Tambe nan mester a saca diferente potret specifico y un potret creativo pa cual tambe nan tabata acumula punto.

E teamnan ganado ta na di 3er luga team cora, 2º luga team ros y 1e luga team burgundy.

Tur trahado cu a participa a gosa y keda hopi contento cu e actividad aki.

Post Aruba N.V. a gradici tur participante pero tambe ta felicita nan p’e trabou cu nan ta haci.

Pa mas informacion riba servicionan di Post Aruba N.V., bishita e website www.postaruba.com of check nan paginanan riba Facebook, cu ta Post Aruba NV y Aruba Stamps.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio