70
Un enfoke riba e capital humano pa por ta exitoso
Riba 3 y 10 di oktober di e aña aki Aruba Certification Program (ACP) tabata tin e oportunidad di certifica mas di 60 ehecutivo di hotel Barceló. Den dos sesion e programa di certificacion di Aruba, tabata tin e honor di enfoca riba e importancia di duna informacion corecto y consistente di Aruba y desaroyo di inteligencia emocial na trabou.
E sesion pa ehecutivo ta forma parti di e proyecto piloto di ACP ‘Speed Executive course’. Durante e sesion a elabora riba e tema di authenticidad y tambe compartimento di e storianan impactante cu ta forma parti di e herencia di Aruba. A splica cu e perfil di bishitante ta cambia den forma cu e lo kier sa kico ta e esencia di nos Isla y e diferencia entre Aruba y otro isla den region Caribense.
Tambe a duna informacion relaciona cu e importancia di inteligencia emocional , esta ta consciente di tanto bo emocionnan como tambe esunnan di otro pa asina maneha esakinan den forma adecuado pa por yega na metanan colectivo di un organisacion of compania. Esaki pa asina por yega na un nivel di servicio excellente como tambe e esencia di hospitalidad. Importante ta pa menciona cu parti di e servicio excelente ta authenticidad y pesey informacion corecto y consistente di Aruba ta di suma importancia.
Pa e team di Aruba Certification Program tabata un honor di por a conta tanto cu presencia di General Manager di Barceló señor Samuel Jhonson como tambe General Manager suplemente señora Lorena Salas Molina. Ambos a duna discurso sumamente elocuente enfatisando e filosofia di traha den ekipo uni y provee servicio excelente y ta hospitalario.
Un palabra di danki ta bay pa gerencia di Barceló, tur empleado cu a brinda nos nan tempo y Sr Jane pa su sosten continuamente.
Pa esnan cu ta interesa den e siguiende tanda di ACP pa aña 2018 por jama libremente na 280-2924 of bishita www.acp.com