ORANJESTAD – Si bo tin un negoshi existente of bo ta den den proceso pa habri un negoshi porfabor asisti na Idea su workshop “Shift your Mindset, Save your Business” dia 14 oktober venidero.
E orador pa e workshop aki lo ta Sra. Michele Brooks, Owner y Managing Director di PJ Consulting Group VBA. Sra. Brooks ta un ‘motivational speaker’ y cu hopi aña di experiencia como speaker den diferente conferencia grandi na Aruba. Su compania ta duna diferente servicionan e.o.: Human Resources Management, Customer Service Training, Leadership & Management Development, Labor Relations, Organization Effectiveness, Executive Development, Action Research, Conflict Management, Group Facilitation, Managing Resistance to Change, Organizational Restructuring, Project Management y Team Building. Sra. Brooks su meta ta pa inspira cambio den persona y organizacion.
Den e workshop aki bo lo siña e.o. con bo mindset por afecta bo exito den bo negoshi y tambe cu un mindset adecua por aumenta creatividad y productividad den bo negoshi.
Workshop ta completamente GRATIS y ta tuma lugar na Departamento di Asuntonan Economico, Comercio y Industria na Sun Plaza, di dos piso di 10.00 am pa 12.30 pm.
Pa tur empresario existente of personanan cu ta den proceso pa habri un negoshi y cu kier atende e workshop aki mester inscribi via email: [email protected] of via telefoon: 521-2439/521-2440.
Cupo ta limita, nos ta wardabo!
Abo tin un Idea? Hasi bo Idea realidad. Bishita Idea na Departamento di Asuntonan Economico, Comercio y Industria, na Sun Plaza di dos piso, y nan lo yudabo cu tur informacion y guia necesario.