Home » Madonna haciendo “joke” cu ta dificil pa e haya un cas na Lisboa

Madonna haciendo “joke” cu ta dificil pa e haya un cas na Lisboa

by Admin
0 comment 62 views

Madonna, cu a bay biba na Portugal na final di zomer, a usa rednan social pa keha, pero cu humor, di su dificultadnan pa haya un cas na Lisboa.

” Mi no por haya un cas na Lisboa, maldita sea…pero un cabay si mi por a haya”, asina e artista a skirbi hunto cu un video cu ela post ariba Instagram, caminda bo por wak e ta core cabay ariba e beach na Comporta, un municipio situa un ora di e capital Portugues.

Desde cu ela yega Portugal, e reina di pop ta permanece den un hotel luhoso situa den e bario di Alcántara, cu ta keda cerca di e riu Tajo.

Prensa Portugues a afirma cu e artista a reserva e miho suite, cu ta consisti di plafonnan halto cu tin un estetica di un palacio, e ta consisti di dos sala y un terraza di 33 meter cuadra, prome cu e reina di pop e ex presidente Americano Bill Clinton y tambe e fayecido cantante Prince, a yega di hospeda eyden.

E ta un solucion temporal te ora e haya un cas, algo cu, por a husga esey door di su comentarionan, ta mustra cu e ta complicando pe na Lisboa, un ciudad cu e benta di real estate di luho a aumenta substancialmente den ultimo lunanan, cu e yegada di estreanan manera Mónica Bellucci y Michael Fassbender.

Hunto cu e buskeda pa haya un cas pa biba, Madonna ta sigui cu su tramitenan pa establece definitivamente na Portugal.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio