Home » Lo tin ofertanan special diasabra awor Digicel ta habri tienda nobo y moderno na Tanki Leendert

Lo tin ofertanan special diasabra awor Digicel ta habri tienda nobo y moderno na Tanki Leendert

by Admin
0 comment 84 views

ORANJESTAD, Aruba: Clientenan di Digicel Aruba lo tin un experiencia nobo den comunicacion y esaki pa cortesia di Digicel. E compania di comunicacion y proveedor di entretenimento lo habri su portanan diasabra dia 14 di October na e localidad nobo ‘The Experience Store’ na Tanki Leendert.

E localidad ta cerca di e rotonde di Tanki Leendert, cual tienda tin 5 empleado bon entrena y prepara pa facilita e rekisitonan di e clientenan di Digicel. ‘The Experience Store’di Digicel ta bini cu un concepto di diseñonan completamente nobo y moderno p’e marca di e outlet.

CEO di Digicel Aruba, Wanda Broeksema a bisa “Nos ta orguyoso p’e prome tienda di Digicel cu ta implementando nos diseño nobo. Nos ta introduci Smart Serve den nos tienda ‘The Experience Store’ cu ta diseña cu aplicacionnan digital inteligente pa maneha lista di espera y un sistema moderno di maneho di cliente. Esaki ta nifica cu lo reduci e tempo di warda, brindando flexibilidad den e experiencia di compra y lo subi e calidad di servicio cu ta ofrece. Adicionalmente, tambe e lo provee nos cu inteligencia di rekisitonan di cliente, tempo di servicio y presentacion di agente pa asina nos por monitor y mehora procesonan”, di acuerdo cu Wanda Broeksema.

Bin y celebra e apertura di e tienda ‘The Experience Store’ di Digicel riba diasabra 14 di October desde 10:00am te cu 12:00pm. Riba e dia aki lo tin special riba e celularnan modelo Samsung J2 y Samsung S8. E plan di Postpaid pa Samsung S8 su prijs original ta Awg. 609.00, pero e dia aki e lo ta Awg. 379.00. E prijs special aki lo tin un contract pa 2 aña y e celular aki tin un
“plan grandi” di 12GB, WhatsApp ilimita, d’Music subscription, rollover, yamadanan ilimita:yamada local pa ABC + yamada p’e 15 destinacion. Aruba, Curaçao, Bonaire, Canada, China, Colombia, Dominican Republic, India, Netherlands, Puerto Rico, St. Maarten, Trinidad & Tobago, United Kingdom, USA, Venezuela. Pa solamente Afl. 230 p/luna. Termino y condicionnan ta aplicabel. Postpaid di Samsung S7 Edge su prijs original ta Awg. 479.00, pero pe dia aki e lo ta Awg. 249.00 cu e “plan grandi”. E plan di celular prepaid pa un Samsung Galaxy J2 su prijs tabata Awg. 275.00, pero awo e lo ta Awg. 249.00. Clientenan lo ricibi un QPB pa 30 dia di Data + yamada gratis. E plan di Hybrid p’e Samsung Galaxy J2 tabata costa Awg. 275.00 y e dia aki e lo ta gratis cu un contract di 1 aña.E Hybrid plan aki ta inclui 3GB, Awg. 20.00 credit gratis y Social Media Ilimita. Pa solamente Awg. 75.00 p/luna. Termino y condicionnan ta aplicabel.

E dia aki lo tin snacks, regalo y cos di bebe pa tur esunnan cu bishita e tienda. E prome 50 persona durante e 2 oranan aki lo ricibi snacks y cos di bebe gratis. Tur cliente cu yega na e localidad di Digicel lo ricibi un tas di Digicel. Easy B di e emisora Massive FM lo percura pa un ambiente unico den e tienda durante e actividad.

‘The Experience Store’ di Digicel lo ta habri di dialuna pa diasabra for di 9:00am– 6:00pm.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio