Liverpool, Gran britania: Paul McCartney riba su Twitter account a recorda fecha natal di su colega di The Beatles, dfm John Winston Ono Lennon, kende a nace dia 9 di Oktober aña 1940.
Paul Mc Cartney dunando John Lennon dfm, un man durante un grabacion
McCartney a publica un potret preto cu blanco, di su persona y John Lennon den un studio na momento cu nan a duna otro man. Mc Cartney a scirbi, cu e ta purba comunica cu Johnny riba su cumpleaños.
Ringo Starr, drummer di The Beatles
Ringo Starr, drummer anteriormente di The Beatles tambe a publica un potret di John Lennon riba su Twitter account. Y a scirbi acerca, ” Nan a bisa cu ta bo cumpleaños….Love and Peace”
Yoko Ono, viuda di John Lennon
Yoko Ono, e viuda di Lennon, tambe a pone un mensahe riba twitter, den cual de ta recorda su defunto casa “E ta cerca nos ainda y ta regalanos sabiduria y suerte, ora mas nos mester di dje”.
Varios potret di John Lennon
E legendario cantante a wordo asesina dia 8 di December na aña 1980 door di Mark David Chapman dilanti nan compleho di apartamento na Manhattan pa mas o menos 10.50 di anochi, cu urgencia nan a transport’e pa Roosevelt Hospital pero na yegada ela fayece.
Ofrenda floral di e fannan unda e asesinato a tuma lugar.
Mark Chapman tabata un fan hopi grandi di John Lennon, e mesun atardi prome cu ela tira John Lennon, John a firma un disco pe. Mark David Chapman a keda sentencia pa bida largo. Nuebe biaha ela entrega un peticion den cual e ta pidi pa wordo laga den libertad, pero a keda nenga.
Marck David Chapman, e asesino cu a kita bida di John Lennon
