ORANJESTAD – Dialuna 2 di oktober den Aula di Universidad di Aruba, Jezabel Stamper a bira e di 18 graduado di e programa di estudio ‘Organization, Governance and Management’ (OGM). Jezabel a defende su tesis dilanti di e comision di graduacion cu tabata consisti di dr. Luc Alofs, Judelca Briceno, MSc y Julie Kelly, cu a studia Trabao Social na Hulanda. E presentacion y defensa di e tesis a tuma lugar dilanti di un audiencia mixto di famia, studiante, repesentante di Departamento di Labor, y docente di e programa di OGM.
Durante e periodo como studiante na Universidad di Aruba, Jezabel a haci su pasantia na Aruba Bank. Durante cu Jezabel tabata sondea diferente topiconan pa studia e a bira interesa den e topico di “Acoso Sexual riba e tereno laboral”. Jezabel su tesis tin como titulo: “Sexual Harassment in the Workplace”. Cu su investigacion Jezabel a explora e prevalencia di acoso sexual den e tereno laboral na Aruba. Tambe Jezabel a inventarisa e literatura riba e topico aki caminda e la focus riba e diferente formanan di acoso sexual y con importante maneho riba e tereno aki ta. Pa por hasi e analysis aki Jezabel a traha un questionario anonimo y diferente hende por a yena esaki online. E resultado di e investigacion aki por wordo utilisa pa desaroya y promove discusion riba e tereno aki. Tambe e data ta demostra e importancia pa tin un maneho explicito den organisacionnan y den ley laboral pa proteha victimanan di acoso sexual.
Universidad di Aruba, particularmente e departamento di ‘Organization, Governance and Management’, ta felicita Jezabel Stamper cu e logro aki y ta desea e tur clase di exito den su carera den futuro. Pa mas informacion riba e estudio OGM, bishita e pagina di web di Universidad di Aruba na http://www.ua.aw/OGM y e pagina di Facebook cual ta https://www.facebook.com/pages/University-of-Aruba-OGM-Organization-Governance-Management-FAS/