Auto ta hit and run, pero polis a haya sa su number

Caya Tumba – Dialuna marduga polis ta bay den e caya aki pa un caso di hit & run.
Na e sitio polis a compronde cu un auto color di cora a dal contra un Hyundai Getz y sigui bay.

Mas cu claro e chauffeur di e Getz a sigui e auto, pero despues di un rato a perde for di bista.
Loke si ela logra capta tawata e plachi e number.
Esey ta prome cos cu un persona mester busca pa wak y corda, plachi number di e auto cu causa un hit and run of algo otro.

Polis a controla e number y esaki a cuadra. Patruya a bay e adres y berdad ta topa cu e auto den cura warda.
Autoridad a keda di pasa hacie un bishita.