Maritiem polis ta hanja melding di kuststation cu algun piscado local ta piscando ongeveer 9 miles pazuid di aruba y ta mira algun boto venezolano ta piscando y tira palamber den nos awa territorial. Maritiem polis a cuminsa prepara y a jama RCC Curacao pa controla via radar si e boto nan aki ta den nos awa y si por guia Maritiem polis na e position. RCC a controla y a resulta cu net e boto nan a cuminsa move bai bek zuid pa drenta awa nan di Venezuela. A keda monitor nan movecion. Pa mas o menos 11:30 RCC a meld bek na Maritiem polis cu actualmente nan ta waak e boto nan ta bolbe bek den nos awa nan di Aruba direction e position nan cu probablemente a tira e palamber nan. Maritiem a sali mesora y RCC a guia nan direction e contact nan.
Piscadonan Venezolano, algun cu cara completamente tapa
Jegando serca Maritiem a constata hopi boei ta drief y tur tin otro color y bandera. Tawata tin 2 boto Venezolano na e sitio. Ora nan a waak boto di polis nan a bai full speed zuid direction awa nan di Venezuela. Maritiem a persigui tur 2 boto duna na signal pa para pero e boto nan aki no ta para ni sigui ordo di polis. Den 1 boto maritiem a waak 4 persona. Nan tawata busca objeto duro y te asta 1 a coy cuchuw pa prepara pa e polis nan ora di board e boto. Dsp di algun minuut di achtervolging RCC ta meld Maritiem polis cu nan ta bai drenta awa di venezuela. Na un distancia Maritiem polis tambe a waak guarda costa Venesolano ta bin direction e boto di polis. Door cu e boto nan aki a logra drenta awa di venezuela nos no por a sigui achtervolg nan. Maritiem a bira bek y bai direction e palamber nan den nos awa. Door cu ningun boto venezolano kier a para responsabel pa e piscamento illegal den nos awa maritiem a saka tur e palamber nan di laman. Di 11:45 te 16:00 personal di Maritiem polis a keda saka linja y boei di awa. A coy totaal mas di 30 boei cu linja y algun mester a corta.