Home Police Chauffeur bou influencia ta ocasiona accident na Palm beach y ta keda...

Chauffeur bou influencia ta ocasiona accident na Palm beach y ta keda deteni

SHARE

Palm Beach: Diadomingo den oranan di mainta presencia di polis y ambulance ta wordo pidi na Palm Beach na altura di e gasstation di Citgo pa un accident semifrontal.

Na yegada e polisnan ta bin compronde cu e chauffeur di e Jeep tabata bayendo direccion pabou, pa un motibo of otro ta hala na su man robes y ta dal semi frontal contra un Mazda S.U.V. cu tabata biniendo di pariba.

E impacto tabata fuerte y tambe e chauffeur di e Mazda, kende ta un persona di edad tabata tin dolor na su pecho, polis na e sitio mesora a pidi pa presencia di ambulance cu hopi urgencia.

Despues cu personal di ambulance a trata e chauffeur di e Mazda na e sitio, e por a bay cas.

E chauffeur di e Jeep kende a ocasiona e accident a keda deteni pa core bou influencia di alcohol, ela wordo transporta cu transportwagen di polis pa Warda di Polis na Shaba.