Home Local Yabi di MFA Savaneta a keda entrega den man di Omar Harms,...

Yabi di MFA Savaneta a keda entrega den man di Omar Harms, kende ta encarga cu e edificionan di MFA

SHARE
Savaneta: Diabierna den oranan di mainta, e compania Custom Contractors NV, a entrega e edificio di MFA Savaneta, na D.O.W.
E joya di edificio Multifuncional aki, lo bay acomoda diferente oficinanan, entre otro Hulpbestuurskantoor di Savaneta, SIAD y AZV.

Despues cu D.O.W. a ricibi e yabi, e representante di D.O.W. a entrega esaki na John Hosgson di SOGA, kende a pase pa Omar Harms, kende ta e persona encarga cu e tur e edificionan di MFA.

Pa mas o menos aki dos siman MFA Savaneta lo ta bay ta completamente operacional.

Loke a hala atencion tabata, cu esnan presente na e entrega di e yabi a keda warda pa basta rato riba Prome Minister Mike Eman, pero lamentabelmente e no a presenta y ni a manda un otro Ministro of miembro di parlamento como su representante. Sigur como cu e proyectonan di MFA ta un di e logronan grandi di e Gabinete Mike Eman II.