Home » Mayornan ta viola y ta morde nan yiu muher di 3 aña te cu e criatura ta fayece

Mayornan ta viola y ta morde nan yiu muher di 3 aña te cu e criatura ta fayece

by Admin
0 comment 75 views

Maracaibo, Venezuela: Mama di un criatura di tres aña ta bay busca su yiu na e cas di su suegra y ta hibe su cas, premedita pa asesina su mesun yiu muher door di a keda morde te cu e mucha a bin ta fayece. Diabierna ultimo durante e autopsia riba e curpa di e criatura, nan a bin deduci cu e criatura aki a wordo viola tambe.

Jhoana, e criatura di apenas tres aña tabata tin senjalnan di tortura, segun fuente policial, e tabata tin 11 mordi y cinco kemadura na su curpa.

Tin tur indicacion cu e mayornan ta e unico culpabelnan, ta trata di Gustavo Adolfo Ferrer di 26 aña y e mama, Yoliber del Carmen Montiel Montiel, di 23 aña, ambos ta keda deteni.

E mama ta tres luna na estado y tin tres yiu cual ningun di su yiunan no ta biba cune, ela bay busca esun di mas chikito despues di hopi tempo sin mir’e, cu e unico intencion di mat’e.

E otro dos yiunan ta biba cu nan tata, esun cu ela haya cu su pareha actual tabata bibando na su suegra, Delia Ferrer, cu ta nan mesun bisiña.

Pa mas o menos 9’or y mey di anochi, Yoliber a pidi su cuña pa hibe hospital paso su yiu lo ta malo, e cuña mesora a hibe hospital.

Na hospital e dokternan a pon’e e criatura riba un cama y ora nan a kita e pañanan cu tabata cubri e criatura, mesora nan a bin mira  cu e criatura no tabata duna senjal di bida. Tambe nan a nota e mordinan feros, e kemaduranan y varios golpi na e curpa chikito. E mama mesora a bin cu un storia cu e mucha lo a cai, pero e mediconan tabata sa cu e no tabata papiando e berdad y mesora a alerta autoridad.

Despues cu e mediconan a duna nan diagnostico, e mama y e cuña cu a hibe hospital a keda deteni. Nan a wordo hiba na e cas unda esaki a sosode y ora nan tabata yegando, Yoliber a gaña cu e ta biba na e cas di su suegra. Na momento cu autoridad a yega na e cas di su suegra, su suegra a desmenti esaki. Yoliber a cuminsa haya ataca di nervio y autoridad mesora a deten’e e y su pareha.

E bisiñanan a keda spanta y a bin compronde e motibo pakiko, e pareha tabata pone musica hopi duro, cu e intencion pa e bisiñanan no tende e criatura yora y ni e sufrimento cu e criatura a pasa a den ora e tabata wordo tortura.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio