Home » Hackers nan lo reuni pa un conferencia ariba seguridad di informatica, na Buenos Aires

Hackers nan lo reuni pa un conferencia ariba seguridad di informatica, na Buenos Aires

by Admin
0 comment 71 views

Buenos Aires, Argentina –

Ekoparty security conference, cu ta presenta e conferencia mas importante ariba seguridad informatica na Latino America, a cuminsa su 13 edicion diaranson na Buenos Aires, cu hackersnan cu lo trece temanan dilanti manera votamento electronico, hacking di autonan, robot y fraudenan cu credit cards, entre otro temanan.

Specialistanan for di diferente parti di mundo lo mustra publico nan proyectonan y lo propone actividadnan specialmente pensa pa por “hack”.

Un di e invitadonan ta e Spaño José Garvin, kende a crea un tool yama Fiesta.

E software aki ta permitibo “spiona cu autorisacion” kiko un persona ta haci den su browser, y ta traduci tur e codiconan cu e computer di e persona produci den un lenguahe, asina Garvin a declara na EFE.

Otro invitado na e Ekoparty ta e Brasilero Diego Aranha, kende tawata parti di e ekipo cu a controla e votacion electronico na Brasil durante eleccionnan na 2012.

” Voto electronico no ta 100% safe pero tampoco e voto cu karchi di papel”, asina Aranha a bisa durante e charla.

Segun e Brasilero, e problema ta e “hackersnan cu ta traha pa politiconan of empresarionan cu hopi placa” cu ta trata na viola sistemanan cu pretende di ta pa “yuda e democracia”.

Ariba vulnerabilidad di e sistema, e Americano Omri Herscovici a desaroya un proyecto cu ta detecta ora un hacker ta viola e seguridad di informatica di un persona cu por ehempel a download(baha) un Subtitle pa wak un pelicula ariba su computer.

” Nos ta traha ariba e debilidadnan cu hackersnan ta busca pa horta datosnan personal. Nan ta drenta den computernan priva momento cu e persona download un subtitle”, segun Herscovici.

” Tecnologia ta manera un cuchiu; e por ta un herment hopi bon of un arma letal, dependiendo den ki man e cay, Garvin a indica.

Di su parti, e Brasilero ta projecta un sociedad den futuro cu lo no por bay biba sin tecnologia.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio