San Juan, Puerto Rico: Cu apoyo y inciativa de e oficina di e Primera Dama di Puerto Rico, Unidos por Puerto Rico. Un grupo di cantantenan famoso a unid pa produci un cantica hopi emocional como homenahe pa e isla, cu actualemente ta tratando di recupera di e desaster cu e horcan Irma y Maria a laga atras.
E productor ejecutivo di e tema aki tabata Ricardo Cordero, cu a sa di uni cantantenan manera Luis Fonsi, Ednita Nazario, Tommy Torres, Olga Tañón, Gilberto Santa Rosa, Victor Manuelle, Juan Luis Guerra, e grupo Barak, Pirulo y La Tribu, Jowell y Randy, Cosculluela, Gustavo Laureano di La Secta, Javier Gomez di viva Nativa, Gustavo Gonzalez di Black Guayaba, Joseph Fonseca, Jerry Rivera, Victor Rivera, un coro di mas di 100 mucha, Yaire, Melina Leon, Oscar Serrano y Luis Daniel, “Naiz” Nieves Arocho, como compositor.
“Isla Bendita ta un homenahe na e isla bunita di Puerto Rico, e ta un cantica cu ta toca e alma y ta inspira fe, speransa y ta motiva e Puertoriqueñonan na e momentonan aki, pa lanta tur dia positivo y traha pa nan pais. E cantica ta recordanan esaki y asina e letra ta bisa, cu Puerto Rico ta un isla di campeonnan, isla truinfador, sea den deporte, den arte y hasta den ciencia y tecnologia y ta recordanan cu nan ta grandi, esaki ta loke segun e productor ehecutivo a duna di conoce, cu e cantica aki ta pa inspira e pueblo.
Videoclip di e cantica