Home International Tormenta Tropical Nate ta laga dos morto atras na Costa Rica y...

Tormenta Tropical Nate ta laga dos morto atras na Costa Rica y 5.000 persona cu a wordo evacua

SHARE
People look at a street collapsed by the Tiribi river flooded by heavy rains from Tropical Storm Nate in San Jose, Costa Rica October 5, 2017. REUTERS/Juan Carlos Ulate

Costa Rica – E presidente di Costa Rica, Luis Guillermo Solis, a declara estado di emergencia nacional debi na e awacero fuerte y inundacionnan grave cu e pais a sufri door di e tormenta Tropical Nate, cu a laga dos morto atras y 5 mil persona cu mester a wordo evacua.

Solís a bisa durante un conferencia di prensa cu ” awe nos lo firma un nota di emergencia nacional pa henter e territorio pa maneha na un manera mas lihe y eficiente e recursonan cu di tur forma ta wordo maneha na un forma responsabel”.

Informenan oficial ta papia te cu awor di dos persona morto, ora cu un parti di un cero a basha den e Provincia di Cartago (centro) y tambe tin un cantidad di personanan desapareci.

Presidente Solís a haci un yamada tambe na e poblacion pa nan mantene nan mes informa via canalnan oficial y no bay tras di rumornan of informacion nan di fuentenan cu no ta conoci.

Estados Unidos ta preparando pa e Tormenta Nate cu ta uno hopi poderoso y cu probablemente lo bira un Horcan Categoria 1, yegando Merca.