Home » Ekiponan a cuminsa train pa campeonato di futbol di Arubaanse Voetbal Bond Deportivo Nacional ta cla pe campeonato nobo 2017-2018

Ekiponan a cuminsa train pa campeonato di futbol di Arubaanse Voetbal Bond Deportivo Nacional ta cla pe campeonato nobo 2017-2018

by Admin
0 comment 76 views

Nan lo haci tur posibel pa mantene nan titulo di campeon!

ORANJESTAD, Aruba: E campeonato 2017-2018 di futbol di division honor ta bay cuminsa y pa cu esaki e team campeon di e campeonato 2016-2017, esta Deportivo Nacional, ta preparando fuerte unda ta buscando pa mantene nan titulo di campeon. Despues di a lucha fuerte pa por a yega final y bira campeon, e team a disfruta di esaki den compania di nan famia, cu nan medaya y trofeo individual na nan cas. Awo tur cos ta cuminsa di nobo pasobra tur team tin 0 punto.

Director Tecnico di Deportivo Nacional, Dreyer Bracho, sa cu nan lo mester traha duro pa por logra cosnan grandi e aña aki. E director tecnico sa cu nan ta bayendo bon y tambe cu nan mester lucha pa yega leu. Manera tur aña tin cambionan den teamnan di futbol y pa Deportivo Nacional esaki ta cu nan a perde 4 hungado. Un di e hungadonan a regresa su pais, mientras cu e otro 3 a bay. E team a desea nan hopi exito.

E prome wega di e campeonato ta diabierna 13 di october pero Deportivo Nacional lo hunga pa prome bes diasabra otro siman. Nan ta entrenando caba enfocando 100% contra Riverplate ya cu esey lo mester ta nan prome 3 puntonan. Nan ta preparando nan mes y pa otro siman lo ta cla pa Riverplate.

Deportivo Nacional a desea tur coach y team exito, pero tambe pa nan purba di tin un campeonato yena di futbol pasobra esey ta loke e publico ta disfruta. Nan ta invita pueblo di Aruba pa disfruta di futbol ya cu esaki ta un bon momento pa pasa den famia y pa hiba e muchanan pa mira e futbol local y apoya e futbol local.

A funda Deportivo Nacional dia 15 di Maart 1970 y desde e tempo ey a haci historia den e deporte rey di futbol. Nan ta profila den tur liga di futbol, manera ta division mini baby, baby, Lifida A, Lifida B, Mayor, Junioren y Division Honor. Tambe nan ta den e liga veterano 35, 40 y 50. Mas o menos 200 futbolista ta hunga pa Deportivo Nacional den tur division incluyendo e muchanan cu ta hunga den Lifida. Desde fin di aña 2015 a inaugura nan veld di bala nobo situa na Alto Vista.

Presidente di Nacional/Coca Cola ta Silo Brete y nan coach ta Dreyer Bracho. E ekipo a titula campeon di futbol division di honor 2016-2017 despues di exactamente 10 aña cu nan tabatin e trofeo ey na nan sede. Den nan trayectorio a titula 5 biaha campeon y 4 biaha sub campeon. Deportivo Nacional ta conta cu sosten di su sponsor “Coca Cola” di Tropical Bottling Company.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio