“Tur hende tin tres bida”, asina e author Colombia Gabriel Garcia Marquez a yega di bisa.
“Un bida publico, un bida priva y un bida secreto”.
Ainda no ta mucho cla si e bida secreto di Stephen Paddock, a hiba un homber rico de 64 aña, un accountant retira, pa basha bala ariba un publico durante un concierto, matando 58 persona y heridando como 500 hende. Y despues tira su mes.
Polis ta sigui cu e investigacionnan na kiko por a conduci Paddock na comete un acto asina. Cu ta e pio tiroteo den historia recien di Estados Unidos.
” Mi ta sigur cu e bida secreto di Paddock, eventualmente lo sali na cla” asina J Reid Meloy a declara, Meloy ta un Forensic Psychologist di University of California na San Diego, cu ta specialisa den studia Mass Shootings, esta loke Paddock a haci door di basha bala ariba e publico usando un arsenal di diferente armanan poderoso.
Su edad tambe a hala atencion, debi cu esnan cu a comete actonan similar den pasado (yama active shooters) ta varia entre 15 -19 aña y un otro grupo di 35 pa 44 aña.
Asina New York Police Department Active Shooter http://www.alicetraining.com/wp-content/uploads/2016/04/NYPD-Active-Shooter-Report.pdf a publica den un rapport aña pasa.