Home » Desconocidonan a horta un arma di airsoft, model Glock 17, color preto.

Desconocidonan a horta un arma di airsoft, model Glock 17, color preto.

by Admin
0 comment 66 views
Bubali: Diaranson algo pasa di 12’or di merdia, presencia di polis ta wordo rekeri cu urgencia na “Lady Bug Appartment” na Bubali, pa motibo cu bisiña ta mirando dos homber desconoci den un trailer apartament banda di su cas.Probablemente lo ta trata di un caso di kiebro y ladronicia.
Na yegada enberdad e bisiña a acerca nan y bisanan cu dos homber a caba di sali for di e trailer y nan a core bay direccion panort, mesora e patruya a pidi pa assistencia di mas unidad di polis di Noord y di Strand. polisnan a cuminsa cu un buskeda den e area.
E patruya na e sitio a bay controla rond di e apartament y a topa enberdad cu e bentana bandi pabou kibra. Riba e mesa di cushina nan a mira un tas bashi, den dje dos holster di arma bashi y tambe riba e mesa tabata tin un koppel bashi.
E agentenan a pidi mesora pa departamento technico di polis presenta pa haci mas investigacion.
Un rato despues e doño a yega y ela splica polis cu e dos holsternan cu ta riba e mesa ta di arma di airsoft. Ela declara na polis cu desconocinan a bay cu un arma di airsoft, model “Glock 17”. E pistol aki ta preto y ta identico na esun cu polisnan ta usa y esaki no ta discarta e posibilidad cu e arma aki lo por wordo usa pa comete un of otro crimen.
Keho di kiebro y ladronicia a wordo entrega.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio