Home Local Aruba Bank ta haci donacion di AWG.25,000.00 na Cruz Cora

Aruba Bank ta haci donacion di AWG.25,000.00 na Cruz Cora

SHARE

Alabes ta ofrece opcionnan pa ricibi donacion via nan Online, Mobile y Text Banking

 Oranjestad, Aruba: Durante di un bishita di cortesia pa miembronan di Hunta di Supervision di Cruz Cora Aruba cu a consisti di Sr. Stephen Daal, Sr. Hans Ruiter, Sr. Fons Essed, y Sra. Tamara Waldron, a ricibi un check cu e bunita suma di AWG.25,000.00 for di Directornan di Aruba Bank N.V., Sra. Sharon Frankel-DeCuba y Sr. Michiel Helfrich.

Teniendo cuenta cu Cruz Cora Aruba ta depende primordialmente di donacionnan y trabou di boluntarionan local pa por duna e sosten den momentonan di crisis humanitario, e banco pionero di Aruba a aporta na e esfuersonan di e instancia alabes creando un pagina dedica na #RedCrossAruba via www.arubabank.com pa asina tur cliente por ricibi mas informacion con pa haci nan donacion via Online Banking, Mobile Banking, y Text Banking ariba cuenta di Cruz Cora 038.401.0390

Aruba Bank su compromiso ta pa semper yuda unda ta necesario pa duna sosten na clientenan y comunidad en general pa nan prospera. Den cuadro di e impacto di e desasternan natural cu a tuma luga den ultimo tempo y e rol importante di Cruz Cora Aruba (Red Cross Aruba) na St. Maarten, Aruba Bank a scoge pa sigui sostene dicho organisacion y e bunita trabou di nos heroenan local.