Home International Guarda Costa di Punto Fijo a intercepta un lancha, cu un cargacion...

Guarda Costa di Punto Fijo a intercepta un lancha, cu un cargacion grandi di hariña pan y Keeshi blanco pa Aruba.

SHARE

Punto Fijo, Estado Falcon: Como parti di un accion operativo  cu yama“Plan Caquetío I-2017”, den cooperacion cu e Seniat, Aduana di las Piedras, Guarda Costa venezolano a logra pone man riba 4 persona abordo di un lancha tabata tin un cargacion grandi di productonan alimenticio.

Riba e lancha nan tabata tin 60 bulto di harina Pan, cu ta un total di 1200 kilo y mas 30 kilo di keeshi blanco, esaki nan lo tabata destina pa Aruba. Tur e personanan deteni ta venezolano residencia na Punto Fijo. E lancha ta yama “Por Fin”, di matricula ADKN-5242, y ta registra na Puerto Cabello, estado Carabobo.

Segun Ministerio Publico Venezolano ta trata di un caso di contrabando sacando producto alimenticio for di territorio Venezolano y esaki ta contribui na un crimen contra e nacion y atento contra e soberania alimentario di e pueblo.

E operacion naval aki ta den pleno desaroyo y lo continua cu su controlnan estricto dilanti di e costanan Venezolano.