88
Israel, West bank, Jordania: Dead sea of na hulandes Dode Zee, ta un di e awanan cu ta contene mas salo na mundo, 10 biaha mas hopi cu awa di lama.
Dode Zee su situacion ta alarmante, paso constantemente e ta keda bira mas chikito y e nivel di awa ta keda baha, mas o menos un 3 pia tur aña, den e ultimo añanan aki.
Dode Zee ta 429 meter bou di e nivel di lama, esaki ta haci’e e lugar mas abou di mundo.
E awa cu e contenido halto di 33 % di salo, sin problema un persona ta keda drief riba awa aki, tambe esaki ta duna e awa un concentracion halto na mineralnan, mas e seca mas halto e concentracion di mineralnan ta bira.
Personanan cu ta sufri di un of otro malesa di cuero, por ehempel Psoriasis, un bishita na Dode Zee sigur lo por yuda cura esaki. Tambe e lodo preto cu ta rico na mineralnan ta wordo usa pa tratamento terapeutica y cosmetica, na tur hotelnan den e area di e Dode Zee.
—