Home Entertainment Cooper Hefner, lo bira e heredero di e imperio cu Hugh Hefner...

Cooper Hefner, lo bira e heredero di e imperio cu Hugh Hefner a laga atras

SHARE

Cooper Hefner, ” Prins di Play boy”

Hugh Hefner, fundado de e revista Playboy, a casa tres biaha y for di e matrimonionan aki ela haya cuatro yiu. Cooper ta e mas chikito y ta esun cu lo bay hereda e imperio di su tata Hugh Hefner kende Diaranson siman pasa a fayece na edad di 91 aña. 

Cooper tin 26 aña di edad, e fortuna cu su tata a laga atras, tin un balor di 43 miyon dollar, esaki sigur e lo bay comparti  cu su rumannan.

E ta e unico Hefner cu ya a sa di establece su mes den e empresanan di su tata.  Actualmente Cooper ta director creativo di Playboy Enterprises y ya a duna di conoce cu e ta dispuesto pa renoba e imperio y hibe na e nivel di e generacion nobo di consumidornan.

Hugh Hefner tin dos otro yiu for di su prome matrimonio cu Mildred Williams: Christie y David y e otro dos yiunan ela hayanan cu Kimberly Carson, Marton y Cooper.

Marton y David semper a keda leu for di e companianan di nan tata, pero su ruman muher Christie, cu actualmente tin 64 aña tabata presidente ehecutiva di Playboy Enterprises for di 1988 pa 2009.

E mas hoben di tur ta Cooper, cu a nace na September 1991,E ta wordo considera e ” prins heredero di Playboy”.

Hugh Hefner a casa cu su mama tempo Hugh tabata tin 63 aña y su mama 25 aña

Cooper for di hopi jong a recorie mundo den e jet di Playboy, Cooper ta comprometi cu un actriz ingles Scarlett Byrne, kende a bira popular door di su papel di Pansy Parkinson den e peliculanan di Harry Potter.

Na varios ocacion ela comenta di ta desea di continua cu e vision di su tata, pero haciendo e mas accesibel pa e generacionnan nobo.